ދިވެހި ޕޯސްޓް (ޑީޕީ) ގެ ސޯޝަލް މީޑިއާ ގުރޫޕަށް ޖޮއިން ވުމަށް ކުލިކު ކޮއްލައްވާ
ނޭޝަނަލް ރިފޯމް ޕާޓީ، އެންއާރުޕީގެ ނަމުގައި ސިޔާސީ ޕާޓީއެއް އުފެއްދުމުގެ މަސައްކަތް ކުރުމަށް އިލެކްޝަންސް ކޮމިޝަނުން މިއަދު ހުއްދަ ދީފިއެވެ.
ނޭޝަނަލް ރިފޯމް ޕާޓީ އުފެއްދުމުގެ ހުއްދައަށް މިއަދު ދީފައިވަނީ އިސްލާމިކް މިނިސްޓްރީގެ ކުރީގެ ސްޓޭޓް މިނިސްޓަރު އައްޝައިޙް މުހައްމަދު ދީދީއަށެވެ. މިދިޔަ ރިޔާސީ އިންތިހާބު ބޯމަތިވެފައިވަނިކޮށް ޢަދާލަތުޕާޓީން ވަކިވެވަޑައިގެން ދީދީވަނީ ޕީޕީއެމްއާއި ގުޅިވަޑައިގެންފައެވެ.
ޢަދާލަތު ޕާޓީގެ މަޝްވަރާ މަޖިލީހުގެ މެމްބަރުކަންވެސް ކުރައްވާފައިވާ ދީދީއަކީ ކުރީގެ އިސްލާމިކް މިނިސްޓަރު އަދި މިދިޔަ ރިޔާސީ އިންތިހާބުގައި ރައީސް އަބްދުﷲ ޔާމީންގެ ރަނިންމޭޓަކަށް ހުންނެވީ ޑރ މުހައްމަދު ޝަހީމް ޢަލީ ސައީދުގެ އަރިސް ބޭފުޅެކެވެ. ނަމަވެސް ދީދީ އުފައްދަވާ ޕާޓީއާއި ޑރ ޝަހީމާއި ގުޅުން އޮންނަކަން އަދި އެނގިފައެއް ނުވެއެވެ.
Facebook Comments