ދިވެހި ޕޯސްޓް (ޑީޕީ) ގެ ސޯޝަލް މީޑިއާ ގުރޫޕަށް ޖޮއިން ވުމަށް ކުލިކު ކޮއްލައްވާ
ގއ. ވިލިނގިލީ ކައުންސިލަރަކު އަންހެން މުވައްޒަފަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް ފުލުހުން ބަލަން ފަށައިފި އެވެ.
“ވަގުތަށް” މައުލޫމާތު ދެމުން ވިލިނގިލީގައި ދިރިއުޅެމުން އަންނަ މީހަކު ބުނީ ކައުންސިލަރު ޖިންސީ ގޯނާކުރި ކަމަށް ތުހުމަތު ކުރެވެނީ އެ އިދާރާގެ އަންހެން މުވައްޒަފަކަށްކަމަށެވެ.
މިކަމާއި ގުޅިގެން ފުލުހުން ބުނީ އެފަދަ މައްސަލައެއް މިދިޔަ އާދިއްތަ ދުވަހު އެ މުއަސަސާއަށް ހުށަހެޅިފައިވާ ކަމަށާއި އެ މައްސަލަ މިހާރު ތަހުގީގު ކުރަމުންދާ ކަމަށެވެ. ނަމަވެސް މައްސަލައިގެ އިތުރު ތަފްސީލެއް ފުލުހުން ނުދެއްވައެވެ.
މި މައްސަލައާއި ބެހޭ ގޮތުން ވިލިނގިލީ ކައުންސިލްގެ ބަހެއް އަދި ލިބިފައެއް ނުވެއެވެ
Facebook Comments