އިބުރާ މަރަން ގޮވާލުމަށް ލަޔާލް މީހުން ފޮނުވި ކަމަށް ތުހުމަތުކޮށްފި

އެމްޑީޕީގެ ކުރީގެ ރައީސް އިބްރާހިމް އިސްމާއިލް (އިބުރާ) މަރަން ގޮވާލުމަށް މަޝްހޫރު ޓީވީ ޕްރެޒެންޓަރ ލަޔާލް މަނިކު ބަޔަކު ފޮނުވި ކަމަށް އިބުރާ ތުހުމަތުކޮށްފިއެވެ.

އިބުރާ ފުލުހުންގެ ޓްވިޓާ ހޭންޑަލް ޓެގް ކުރުމަށް ފަހު ކޮށްފައިވާ ޓްވީޓެއްގައި ބުނީ ލަޔާލް ވަނީ އިބުރާއަށް ފާރަލާ، އުޅޭގޮތް ބަލައި، ޓްވީޓްކޮށް އިބުރާ ވަޒީފާ އަދާކުރާތަނަށް އޭނާ މަރަން ގޮވާ ބަޔަކު ފޮނުވާފައި ކަމަށް ތުހުމަތު ކުރެވޭ ކަމަށެވެ. އެހެންކަމުން އެކަން ބަލައި ދިނުމަށް އިބުރާ ވަނީ ފުލުހުންގެ ކިބައިން އެދިފައެވެ.

View image on Twitter

https://twitter.com/ibramandhu/status/1087446443059699712/photo/1?ref_src=twsrc%5Etfw%7Ctwcamp%5Etweetembed%7Ctwterm%5E1087446443059699712&ref_url=https%3A%2F%2Fvaguthu.mv%2Fnews%2F148005

އިބުރާ މަންދު ކޮލެޖް ކައިރީގައި ސިނގިރޭޓް

ބޯން ހުރި ފޮޓޯއެއް ޓްވީޓް ކުރަމުން ލަޔާލް ވަނީ އިބުރާ ފެނިއްޖެ ކަމަށް ބުނެފައެވެ. އެޓްވީޓަށް ޖަވާބު ދެމުން އިބުރާ ލަޔާލްއަށް “ސްވީޓްހާޓް” އޭ ބުނުމުން ބައެއް މީހުންގެ ފާޑުކިޔުން އިބުރާއަށް އަމާޒުވިއެވެ. ފަހުން އިބުރާ ބުނެފައި ވަނީ އޭނާގެ ދަރިންނާއި އެއް އުމުރުގެ އަންހެނުންނަށް އޭނާ އާއްމުކޮށް ސްވީޓްހާޓް ކިޔާ ކަމަށެވެ.

އިބުރާ އިސްލާމްދީނާއި ދެކޮޅަށް ޓްވީޓްތަކެއް ކުރުމުން އޭނާ އާއި ދެކޮޅަށް ބައެއް އިލްމުވެރިންނާއި އާއްމުން ގެންދަނީ އަޑުއުފުލަމުންނެވެ. އެމައްސަލައިގައި އިބުރާ ފުލުސް އޮފީހަށް ވެސް ހާޒިރު ކުރިއެވެ.

އިބުރާ އާއި ދެކޮޅަށް ރޭ މަންދު ކޮލެޖް ކައިރީ ގިނަ އަދަދެއްގެ ޒުވާނުން މުޒާހަރާ ވެސް ކުރިއެވެ. ނަމަވެސް ފުލުހުން ވަނީ މުޒާހަރާ ރޫޅާލާ، މުޒާހަރާ ކުރި ޒުވާނުން މަންދު ކޮލެޖް ކައިރިން ދުރަށް ޖައްސާފައެވެ.