ދިވެހި ޕޯސްޓް (ޑީޕީ) ގެ ސޯޝަލް މީޑިއާ ގުރޫޕަށް ޖޮއިން ވުމަށް ކުލިކު ކޮއްލައްވާ
ކުރިޔަށް އޮތް ރައްޔިތުންގެ މަޖިލީހުގެ އިންތިހާބުގައި އުނގޫފާރު ދާއިރާއަަށް ކުރިމަތިލައްވަން، ދަނގެތީ ދާއިރާގެ މެމްބަރުކަން މިހާރު ކުރައްވަމުން ގެންދަވާ އިލްހާމް އަހުމަދު ނިންމަވައިފިއެވެ.
އިލްހާމް މިހާރު ވަނީ އުނގޫފާރު ދާއިރާއަށް ކުރިމަތިލައްވަން ޖުމްހޫރީ ޕާޓީގެ ޓިކެޓް ހޯދަން ހުށަހަޅާފައެވެ. އިލްހާމް އެންމެ ފުރަތަމަ ފުރުއްވީ ގެމަނަފުށީ ދާއިރާގެ ގޮނޑިއެވެ.
އުނގޫފާރު ދާއިރާގެ ގޮނޑި މިހާރު ފުރުއްވަނީ ޕީޕީއެމްގެ މެމްބަރު ޖައުފަރު ދާއޫދެވެ.
ދަނގެތީ ދާއިރާ އަށް އިލްހާމް ހޮވި ވަޑައިގެންނެވީ ޖުމްހޫރީ ޕާޓީގެ ޓިކެޓުގައި ކަމަށްވީ ނަމަވެސް އޭނާ ވަނީ ފަހުން ޕީޕީއެމްއާ ގުޅިވަޑައިގެންފައެވެ. ނަމަވެސް އޭގެފަހުން ޕީޕީއެމްއާ ދެކޮޅަށް ވެސް އިލްހާމް މަސައްކަތް ކުރެއްވިއިރު، އޭނާ ވަނީ ޖަލުގައި ގިނަ ދުވަސްތަކެއް ހޭދަކުރައްވާފައެވެ.
ޕީޕީއެމް އާއި ޖޭޕީގެ އިތުރުން އިލްހާމް ވަނީ ކުރީގެ ރައީސް މައުމޫނު އިސްކޮށް ހުންނަވައިގެން އުފެއްދެވި ދިވެހި ރައްޔިތުންގެ ޕާޓީ (ޑީއާރުޕީ)ގެ ނައިބު ރައީސްކަން ވެސް މީގެކުރިން ކުރައްވައިފައެވެ.
Facebook Comments