މާމެންދޫގައި ހިނގި އެކްސިޑެންޓެއްގައި ޒުވާނަކު ނިޔާވެއްޖެ

ގއ.މާމެންދޫ ގައި ހިނގި ނުރައްކާތެރި އެކްސިޑެންޓެއް މީހަކު ނިޔާވެއްޖެއެވެ.

އެރަށު ބަނދަރު ސަރަހައްދުގައި މިރޭ 20:15 ހާއިރު ދެ ސައިކަލެއް ޖެހި ހިނގި އެކްސިޑެންޓުގައި ނިޔާވީ ގއ.ވިލިނގިލި، ރިޔާޒު، އުމުރުން 32 އަހަރުގެ އަފްޟަލް ޔާސިރު އެވެ.

އަފްޟަލްގެ ހަށިގަނޑު މާމެންދޫއިން އެ އެތޮޅު، އަތޮޅު ހޮސްޕިޓަލް ހުންނަ ވިލިނގިއްޔަ ގެންދެވުނީ މިރޭ 21:40 ހާއިރުއެވެ.

ގއ.އަތޮޅު ހޮސްޕިޓަލް ގެ މެނޭޖަރު ޝަމްވީލް ޖަމީލް ވިދާޅުވީ، އަފްޟަލް ހޮސްޕިޓަލް އަށް ގެނައި އިރުވެސް އޮތީ ނިޔާވެފައި ކަމަށެވެ.

އެކްސިޑެންޓްގައި އަފްޟަލްގެ ބޮލަށް ވަރަށް ބޮޑެތި ޒަހަމްތަކެއް ލިބުނު ކަމަށް މައުލޫމާތު ލިބެއެވެ